Një person nga komuna e Fushë-Kosovës është arrestuar nga Policia e Kosovës, nën dyshimet se e ka dhunuar një grua.
Në njoftimin e policisë thuhet se viktima ka deklaruar se i dyshuari e kishte shantazhuar atë në forma të ndryshme, madje duke e detyruar t’i japë para.
Pas hetimeve të policisë, i dyshuari është arrestuar dhe është dërguar në mbajtje.
“Viktima femër kosovare ka raportuar se në një shtëpi të pabanuar ishte dhunuar nga i dyshuari mashkull kosovar, me të cilin, ishte njohur disa muaj më parë. Sipas viktimës, i dyshuari e kishte kanosë dhe shantazhuar në forma të ndryshme, e njëjta po ashtu ishte detyruar t’i japë para disa herë në shuma të ndryshme. Pas punës intensive operative dhe hetimore, personi i dyshuar është arrestuar dhe është dërguar në mbajtje”, thuhet në njoftimin e policisë.