Deputeti i Lëvizjes Vetëvendosje, Haki Abazi, ka thënë se drejtësia është “hallka më e munguar” në shoqërinë tonë.
“Testi i drejtësisë për shoqërinë tonë shqiptare është shumë i madh dhe shumë i vështirë dhe i komplikuar, por pa e kaluar testin e drejtësisë e ardhmja jonë do të jetë peng i interesave të ngushta dhe do të frymojmë si një shtet provincial. Drejtësia është hallka më e munguar në shoqërinë tonë!”, ka shkruar Abazi.
Deputeti nga radhët e LVV-së ka shtuar se Serbia ka filluar pesë luftra në Ballkan, ka vrarë mbi 250 mijë njerëz, ka bërë gjenocid dhe ka dhunuar e djegur “pamëshireshëm, por arriti sot të rikthehet si faktor dominant në Ballkan”.
“Ndoshta sepse nuk ndoqi e vrau njerëzit e vet, edhe kur ata ishin kriminelë, ndoshta sepse ata nuk hargjuan kohën në urrejtje ideologjike apo nuk punësuan këshilltarë analfabetë apo ndoshta ata e duan dhe e respektojnë shtetin jo për egon dhe xhepin e tyre!”, ka theksuar Haki Abazi.