Analisti dhe gazetari, Lirim Mehmetaj, në emisionin “Debat Plus” në RTV Dukagjini, ka thënë se është hera e parë që dikush nga Ushtria Çlirimtare e Kosovës (UÇK) gjykohet me akuzën “Ndërmarrje e Përbashkët Kriminale (NPK)”.
Sipas Mehmetajt, Gjykata Speciale është vendore, ndërsa ajo e Hagës është ndërkombëtare.
“Nëse dikush thotë se këta dënohen si ‘strukturë e përbashkët kriminale’, dënohet UÇK-ja si tërësi. Ka shumë sens për arsye se është e pamundur që Shtabi Qendror i UÇK-së ka qenë strukturë kriminale”, ka thënë Mhemetaj.
Më tej, Mehmetaj ka treguar se si ZPS ka ndërtuar aktakuzën, po mundohet të paraqesë UÇK-në si një ushtri të strukturuar dhe të komanduar mirë, dhe se urdhrat e saj kanë shkuar nga Shtabi i Përgjithshëm deri tek ushtari në teren.
Por, ai ka treguar se një gjë e tillë nuk ka ndodhur, sepse ka qenë e pamundur pasi nuk kishte “mirëfilli” komandë.