Policia e Kosovës ka njoftuar se një personi në Gjilan i është marrë patentë shoferi për një vit.
Arsyeja, sipas policisë, është se ai ka vozitur 103 km në orë në zonën ku lejohej 50.
Personi në fjalë, nga policia është dënuar edhe me gjobë 500 euro dhe i janë shqiptuar pesë pikë negative.
“Në këtë pikë të kontrollit ka hasur në një kundërvajtës i cili në zonën ku kufizimi i shpejtësisë së lejuar është pesëdhjetë (50) km/h duke vozitur me shpejtësinë njëqind e tre (103) km/h. Të njëjtit i është shqiptuar gjoba në vlerë prej pesëqind (500) euro, konfiskuar patentë shoferi me masa e përkohshëm e ndalim vozitjes në afat prej një (1) viti dhe pesë (5) pikë negative”, thuhet në njoftim.
Drejtoria Rajonale e Policisë në Gjilan apelon vozitësit që të respektojnë normat dhe ligjet e trafikut rrugor.