Djali i dëshmorit të kombit, Gazmend Maloku, ka kaluar me sukses trajtimin mjekësor në Turqi dhe këtë të enjte do të kthehet në Kosovë.
Ndërhyrja e tij në Turqi ka arritur të bëhet pas grumbullimit të rreth 67 mijë eurove nga “ushtarët” e emisionit Radar me Edita Dolin.
Ai do të jetë në aeroportin Adem Jashari në Prishtinë në orën 13:00.
I biri i dëshmorit Imer Maloku, nëpërmjet një lidhjeje direkte telefonike nën emocione ka përshëndetur të gjithë ata që janë me emisionin Radar.
Më 23 mars, 35-vjeçari nga Juniku, i bashkoi shqiptarët brenda e jashtë Kosovës, në emisionin “Radar” në Radio Dukagjini.
Ai ka qëndruar në një hotel të Turqisë, në pritje të mbledhjes së shumës prej 50 mijë eurosh, shumë pa të cilën ishte pranuar për trajtim mjekësor.