Aplikimi i Kosovës për anëtarësim në Këshillin e Evropës, është pjesë e agjendës së Komitetit të Ministrave.
Këtë e ka bërë të ditur Rejhan Vuniqi, këshilltare e presidentes, Vjosa Osmani.
“Aplikimi i Kosovës për anëtarësim në Këshillin e Evropës është në agjendën e Komitetit të Ministrave që mbahet të hënën. Le të shpresojmë për zhvillime pozitive në këtë hap të rëndësishëm drejt integrimit evropian.”, ka shkruar Vuniqi.
Kosova ka aplikuar për anëtarësim në KiE më 12 maj të vitit 2022.
Fillimisht, Komiteti i Ministrave e shqyrton aplikacionin, ndjekur nga Asambleja Parlamentare, e cila përbëhet nga përfaqësuesit kombëtarë të shteteve anëtare. Pranimi i aplikacionit kërkon votat e 2/3 të shumicës.