YIHR në ditën Kombëtare për të Zhdukurit, ka vendosur një pllakë ku tregohet, për memorialin që iu dedikohet mbi 1 mijë e 600 personave.
Me këtë aktivitet, apo siç e kanë quajtur aksion simbolik, nisma e të rinjve ka dashur që të jap një kritikë institucioneve të Kosovës, të cilët nuk kanë bërë mjaftueshëm për të memorizuar krimet e luftës dhe kujtimin për të zhdukurit me dhunë.
Përfaqësuesit e kësaj organizate kanë thënë se kjo çështje duhet të trajtohet si çështje humanitare e jo të politozohet, dhe se presin që në kuadër të dialogut Kosovë-Serbi, të i jepet zgjidhje fatit të personave të pagjetur.
Gjatë luftës së fundit në Kosovë, më 1998-1999 janë vrarë rreth 13 mijë e 500 persona, shumica dërrmuese shqiptarë.
Prej këtyre viktimave, 76 për qind besohet se ishin civilë. Ndërkaq, për nga përkatësia etnike, 10 mijë e 794 janë shqiptarë, 2 mijë e 197 serbë, kurse të tjerët u përkasin përkatësive të tjera etnike.
Një plagë tjetër e luftës janë edhe rreth 1 mijë e 600 persona të pagjetur, kryesisht shqiptarë.
Në përfundim të misionit të tij, Tribunali Ndërkombëtar për Krime Lufte në ish-Jugosllavi, ka rekomanduar që vendet e ish-Jugosllavisë ku përfshihej edhe Kosova, t’i hetojnë dhe trajtojnë krimet që janë kryer në territorin e këtyre vendeve.