Komisioni Qendror i Zgjedhjeve (KQZ) i ka certifikuar zgjedhjet për kryetarët e katër komunave veriore.
Sipas kryetarit të KQZ-së, Kreshnik Radoniqi, në PZAP nuk ka pasur asnjë ankesë në lidhje me këto zgjedhje.
Në Leposaviq, kryetar është zgjedhur Lulzim Hetemi i LVV-së, në Mitrovicën e Veriut, Erden Atiq i VV-së, në Zubin Potok, Izmir Zeqiri i PDK-së, në Zveçan, Ilir Peci i PDK-së.
Këto zgjedhje ishin bojkotuar nga Lista Serbe dhe nga serbët lokalë. Megjithatë, mbajtja e tyre është cilësuar si legjitime nga bashkësia ndërkombëtare.