Të dielën e 7 majit në Gjakovë do të kujtohet 24 vjetori i ”Epopesë së Çabratit”, në të cilën për lirinë e Kosovës janë flijuar dhjetëra dëshmorë e martirë të kombit.
Gjatë datave 7, 8 dhe 9 maj të vitit 1999, për shumë nga qytetarët e Gjakovës, janë ditët ku do të kujtojnë momentet e luftimeve të ashpra mes forcave të UÇK-së dhe policisë, ushtrisë dhe paramilitarëve serbë.
Kjo betejë ka qenë e rëndësishme sepse misioni i luftëtarëve të lirisë ishte mbrojtja e mijëra civilëve në qytetin e Gjakovës.
Në këtë betejë kanë rënë dëshmorë shtatë ushtarë dhe 41 civilë. Po ashtu, më 7-8 maj janë rrëmbyer dhe zhdukur 43 qytetarë të kësaj lagjeje./ KP