Policia e Kosovës ka njoftuar se këtë të martë rreth orës 11:00, konkretisht Drejtoria Rajonale e Mitrovicës në veri me njësitet e saj, kanë ndërmarrë veprime operative meqë rasti është lokalizuar në një objekt (shtëpi banimi) në rrugën “Qeta e Minatorëve”, ku një person i dyshuar kishte në posedim pajisje për prodhimin e kriptovalutave.
“Pas pranimit të informacioneve relevante nga hetimet rajonale dhe të antidrogës së Policisë në Mitrovicë veri për aktivitete të dyshuara, Policia e Kosovës, konkretisht Drejtoria e Rajonale e Mitrovicës veri, sot me datë 9 maj 2023 rreth orës 11:00, me njësitet e saj, në funksion të realizimit të detyrave dhe autorizimeve ligjore kanë ndërmarrë veprime operative meqë rast është lokalizuar një objekt (shtëpi banimi) në rrugën ‘Qeta e Minatorëve’, ku një person i dyshuar kishte në posedim pajisje për prodhimin e kriptovalutave”, thuhet në komunikatën për media.
Gjatë këtij operacionit policor, në atë shtëpi janë gjetur pajisjet si në vijim: Antiminer T9- 16 copë, Antiminer S9 – 13 copë, Kartela Grafike 4Gb-32 copë, Kartela Grafike 8 Gb-33, copë, Power Suplyer -10 copë.
Pajisjet e lartcekura janë evidentuar dhe konfiskuar nga Dogana e Kosovës.