I dërguari i posaçëm i Bashkimit Evropian për dialogun Kosovë-Serbi, Miroslav Lajçak, pas takimit me kryeministrin e Kosovës, Albin Kurti, është pritur në takim nga kryetari i Mitrovicës së Jugut, Bedri Hamza.
Emisari evropian sa ishte në Prishtinë ka thënë se BE-ja pranon atë që është në pajtim me vlerat dhe normat evropiane.
Ai ka thënë se kjo është theksuar që prej fillimit nga BE-ja dhe se janë të qartë në lidhje me këtë qëndrim.
“Për BE-në e pranueshme është ajo që është e bazuar në normat dhe vlerat e BE-së dhe që është në pajtim me modelet ekzistuese evropiane”, ka thënë Lajçak.