Ka përfunduar takimi i kryeministrit të Kosovës, Albin Kurti, me ambasadorët e vendeve të QUINT-it.
Takimi me diplomatët e akredituar në Kosovë është zhvilluar në ndërtesën e Qeverisë dhe në fund të tij nuk ka pasur deklarime për media, raporton KP.
Diskutimi i Kurtit me ambasadorët vjen vetëm një ditë pasi në Kosovë ka qëndruar për vizitë emisari i Bashkimit Evropian për dialogun Kosovë – Serbi, Miroslav Lajçak.
Të enjten në mëngjes, Lajçak ka takuar Kurtin dhe zëvendësin e tij, Besnik Bislimin, ndërsa më vonë ka qëndruar në Mitrovicë, ku është takuar me kryetarin Bedri Hamza, pastaj me politikanë serbë dhe përfaqësues të shoqërisë civile.
Ai ka deklaruar se ka zhvilluar diskutim të rëndësishëm me Kurtin, për rrugën përpara në procesin drejt normalizimit.