Presidenti aktual i Turqisë, Recep Tayyip Erdogan, pak para shpalljes së rezultateve preliminare të zgjedhjeve të 14 majit, ka thënë se ndonëse numërimi i votave vazhdon ende, përpjekja për të shpallur rezultate me ngut, sipas tij do të thotë uzurpim i vullnetit kombëtar.
Në një postim në Twitter, Erdogan ka thënë se fakti që zgjedhjet e 14 majit u zhvilluan në formën e një feste të madhe të demokracisë me paqe dhe qetësi është shprehje e pjekurisë demokratike të Turqisë.
“Ndërsa zgjedhjet u zhvilluan në një atmosferë kaq pozitive dhe demokratike dhe numërimi i votave vazhdon ende, përpjekja për të shpallur rezultate me ngut do të thotë uzurpim i vullnetit kombëtar”, shkroi Erdogan.
Ai është shprehur i kënaqur që favori i kombit reflektohet në numërimin e vazhdueshëm të votave.
Po ashtu, Erdogan ka kërkuar nga vëzhguesit të qëndrojnë pranë kutive të votimit deri në përfundimin zyrtar të rezultateve.
“I kërkoj të gjithë miqve dhe kolegëve të mi të qëndrojnë në kutitë e votimit, sido që të jetë, deri në përfundimin zyrtar të rezultateve. Përgëzoj të gjithë qytetarët e mi që votuan në emër të demokracisë dhe morën pjesë në punën zgjedhore dhe shpreh mirënjohjen time për secilin prej tyre”, shtoi Erdogan.
14 Mayıs seçimlerinin uhulet ve suhulet ile büyük bir demokrasi şöleni şeklinde gerçekleşmesi, Türkiye’mizin sahip olduğu demokratik olgunluğun ifadesidir.…
— Recep Tayyip Erdoğan (@RTErdogan) May 14, 2023
Në anën tjetër, kandidati i opozitës së bashkuar, njëkohësisht aleati kryesor i Erdoganit, Kemal Kiliçdaroglu, ka kërkuar nga vëzhguesit e fletëvotimeve dhe zyrtarët e këshillit zgjedhor që të mos largohen nga vendet e tyre, ku ata po vëzhgojnë.
“Fiksi, i cili filloi me 60 për qind, tani ka rënë nën 50. Vëzhguesit e fletëvotimeve dhe zyrtarët e këshillit zgjedhor nuk duhet të largohen kurrë nga vendet e tyre. Nuk do të flemë sonte o populli im. Unë paralajmëroj YSK-në, ju duhet të siguroni futjen e të dhënave në provinca”, shkroi ai në Twitter.
Yüzde 60'lar ile başlayan kurgu şu anda 50'nin altına düştü. Sandık müşahitleri ve seçim kurullarındaki görevlilerimiz bulundukları yerden asla ayrılmasın. Bu gece uyumayacağız Halkım. YSK'yı uyarıyorum, illerdeki veri girişini sağlamak zorundasınız.
— Kemal Kılıçdaroğlu (@kilicdarogluk) May 14, 2023