Vendet e QUINT-it, në 7-vjetorin e vendimit të Gjykatës Kushtetuese për Manastrin e Deçanit, kanë përsëritur thirrjen e tyre drejtuar Qeverisë së Kosovës, për të zbatuar vendimin e kësaj gjykate për regjistrimin e tokës së këtij manastiri.
“Shefat e misioneve të Francës, Gjermanisë, Italisë, Mbretërisë së Bashkuar, Shteteve të Bashkuara të Amerikës dhe Bashkimit Evropian kanë përsëritur thirrjen për Qeverinë e Kosovës që të zbatojë plotësisht dhe me urgjencë regjistrimin e ligjshëm të tokës së Manastirit të Deçanit”, thuhet në deklaratë.
Në maj të vitit 2016, Gjykata Kushtetuese e Kosovës konfirmoi pronësinë e Manastirit të Deçanit mbi disa hektarë tokë. Pavarësisht këtij vendimi juridik dhe kërkesave pasuese, vendimi i Gjykatës nuk është zbatuar ende shtatë vjet më vonë.
“Ne jemi të bashkuar në mbështetje të së ardhmes demokratike dhe evropiane të Kosovës. Sundimi i ligjit dhe respektimi i pavarësisë së gjyqësorit janë detyrime për të gjitha qeveritë e zgjedhura në mënyrë demokratike dhe parakushte të domosdoshme për integrimin e Kosovës në institucionet evropiane dhe euroatlantike, duke përfshirë përparimin e mëtejmë në aplikimin e Kosovës për anëtarësim në Këshillin e Evropës”, njofton Ambasada e ShBA-së në Kosovë.
Tutje në njoftim thuhet se vonesa e mëtejme është vetëm pengesë “për këtë përparim”.
The Heads of Mission of 🇫🇷 🇩🇪 🇮🇹 🇬🇧 🇺🇸 🇪🇺 repeat our call for the Government of Kosovo to implement in full and with urgency the lawful registration of the Decani Monastery’s land. Read the full statement: https://t.co/dvVCmzgT8I
— U.S. Embassy Pristina (@USEmbPristina) May 20, 2023