Punën e njëjtë e bënë tash e tri vite, por 29 prilli mund të ishte fatalë për të.
Është Gentian Qamaj, punëtori në kompaninë publike për pastrim “Ekoregjioni“ në Suharekë.
Substanca dëmtuese e cila është e ndaluar të hidhet në kosh të mbeturinave i kishte rënë Qamajt në trup e fytyrë.
Duke rrëfyer ngjarjen, ai bënë të ditur se punën për atë ditë nuk e ka ndërprerë pasi kompania kishte një arsyetim.
“Kemi marr bërllogun të një shpii dhe ka pas kanta dhe na i tham që smujm mi marr këto se është e ndalume aj tha ju duhet mi marr. Në momentin që i kemi ngarku ato kanë shpërthye. E kam vazhdua qashtu punën pasi në firmë më kanë thënë se s’mundemi me të zëvendësua”, ka thënë Gentian Qamaj, punëtor.
E bashkë më të kishte qëlluar të jetë në ndërrim të punës edhe Jetish Muqa.
Ai thotë se kësi lloj rastesh ka pasur edhe më parë. E shqetësim për ta mbetet mungesa e sigurimt shëndetësore.
“Aty kish pas batolit e ulë të zezë. Në atë rast iku me i gjet ujë mi la sytë dhe ja kom fshi fytyrën më një xhamper. S’kemi sigurim shëndetësore. E thirrem shefin na tha s’ka punëtor se janë të zënë”, Jetish Muqa, punëtor.
Arsyen pse ky punëtor i kompanisë nuk u zëvendësua në ditën kritike ka dhënë kompania.
Sipas menaxherit të kompanisë, probleme të ngjashme kanë në vazhdimësi por fajin e hedh tek qytetarëve.
“Qytetarët hedhin xhama e gjëra të ndaluara. Asnjë institucion nuk kanë sigurim shëndetësor. Veshjet i kanë, kanë këpuca kanë syze mbrojtës e kanë rroba. Ne i kemi lajmuar për këto raste edhe në Komunë po s’kem qa bëjmë”, ka thënë Tahir Kolgeci, menaxher i kompanisë në rajonin e Suharekës.
Pas incidentit, kryetari i Suharekës, Bali Muharremaj, i ka ndarë mirënjohje Gentian Qamajt.