Presidentja e Kosovës, Vjosa Osmani, në Ditën e Presidentit ka nderuar presidentin historik Ibrahim Rugova, te busti në sheshin e kryeqytetit.
Në një njoftim për media nga zyra e presidencës, Osmani citohet të ketë thënë se pavarësia ishte ideali jetësor i presidentit Rugova.
“Pavarësia ishte ideali i tij jetësor, të cilin e përjeton ky brez dhe të tjerë pas tij”, ka thënë Osmani.
Ndryshe, Osmani, në po të njëjtën ditë ishte e ftuar në emisionin Radar në Radio Dukagjini.
Osmani-Sadriu ka treguar rreth ditës së parë të saj si presidente e vendit.
Ajo ka treguar se të parat që kishte takuar në Presidencë ishin xhudistet.
“Ka qenë një ditë e jashtëzakonshme 4 prilli, sepse qysh në momentet e para pas betimit të marrjes nga detyra, nga atëherë kryetari i Kuvendit Konjufca, kemi pritur disa njerëz që janë imazhi më i mirë i vendit tonë. Kemi pritur xhudistet tona, që kanë qenë mysafiret tona të para në Presidencë pasi kam marrë detyrën, të cilat janë dhe personat që ia kanë zbardhë fytyrën shtetit, e ngritën flamurin e shtetit lart e më lart. Pastaj pritëm atomistët, disa prej nxënësve të cilët shkëlqejnë në gara ndërkombëtare në shumë fusha, pastaj edhe familjet e personave të zhdukur me dhunë, nxënës të shkollave të shumta..”, ka treguar Osmani.
Ajo ka thënë se, kur ishte e vogël, nuk ka menduar se ka një profesion të paarritshëm për të.