Dyshohet se një person është qëlluar me armë zjarri në rrugën “Bardhyl Qaushi”, në Gjakovë.
Këtë e ka bërë të ditur për Dukagjinin zëdhënësi i Policisë për rajonin e Gjakovës, Sheremet Elezaj, duke theksuar se i njëjti është jashtë rrezikut për jetë.
“Sot rreth orës 12:21 kemi pranuar informatë se një person është i plagosur në rrugën “Bardhyl Qaushi”-Gjakovë. Njësitet e nevojshme policore menjëherë kanë dalë në vendin e ngjarjes ku dyshohet se një person i moshës madhore është qëlluar me armë zjarri. I njëjti është dërguar në Spitalin Rajonal të Gjakovës dhe sipas personelit mjekësor gjendja e viktimës për momentin është stabile (jashtë rreziku për jetë). Rasti është duke u hetuar”, ka thënë Elezaj.