Kryetari i ri i Zveçanit, Ilir Peci, ka mbetur i bllokuar brenda objektit të kësaj komune.
Gazetarja Dorentina Bylykbashi nga RTV Dukagjini që po raporton nga vendi i ngjarjes në Zveçan, ka thënë se Peci është brenda objektit së bashku me katër zyrtarë policorë.
Po ashtu, mediat nuk janë lejuar të afrohen atje pasi rrezikshmëria është e lartë që të afrohen afër objektit.
Por, raportohet se situata është më e qetë se para një ore e gjysmë, ndonëse ende po shihen qytetarë të maskuar rreth ndërtesës.
Më herët në Zveçan ka pasur edhe përleshje në mes të serbëve të mbledhur dhe Policisë të Kosovës, ku janë dëgjuar edhe të shtëna armësh.