Ish-kryetari i Prishtinës, Shpend Ahmeti, ka reaguar pas reagimit të ambasadorit të Shteteve të Bashkuara të Amerikës(SHBA), Jeff Hovenier, ku i ka dënuar përpjekjet e Policisë së Kosovës për t’i futur kryetarët e rinj në objektet e komunave veriore.
“Shtetet e Bashkuara dënojnë veprimet e vazhdueshme të autoriteteve kosovare për të hyrë në ndërtesat komunale në veri të Kosovës. Masat e sotme të dhunshme duhet të ndërpriten menjëherë”, ka shkruar ambasadori i ShBA-së në Kosovë, Jefrrey Hovenier.
E këtë deklaratë e Ahmeti e ka vlerësuar si “reagimi më direkt dhe më i vrazhdë i ShBA-ve deri tash mbi situatën [në veri të Kosovës] në vitet e fundit”.
“Pa komentuar nëse e kanë mirë apo gabim, ky është reagimi më direkt dhe më i vrazhdë i ShBA-ve deri tash mbi situatën[ në veri të Kosovës] në vitet e fundit”, ka thënë Shpend Ahmeti në një postim në Twitter.
https://twitter.com/ShpendA/status/1662104452701061122?s=20