Kuzhina meksikane është një ndër kuizinat më të famshme e më të preferuar të njerëzve të kulturave të ndryshme në mbarë botën.
Ajo njihet për delikatesat n’petë, me shumë djegësti, përbërës të freskët e kombinime interesante, por edhe për variacionet e ndryshme të cilat i ofron.
E jo kot, tacos, tortillas, enchiladas, tamales e specialitete të ngjashme kanë zënë vend në menytë e mijëra restoranteve anë e mbanë botës.
Përbërësit kryesor
- 750 GR mish viçi (i bluar)
- 1 qepë (e grirë imët)
- 4 lugë gjelle vaj ullini
- 3 gota ujë
- 200 gr pasul i kuq i konservuar
- 200 gr domate t’konservume (t’prera n’copëza)
- 200 gr misër i konservuar
- 3 speca hallapenjo turrshi (t’prera imët) /(Halapeno)
- 3 lugë gjelle pluhun dresingu “ranch”
- 1 lugë gjelle biber i kuq
- 1 lugë çaji kripë
- 1 lugë çaji magdanoz i tharë
- 1 lugë çaji hudhër pluhun
Përbërësit tjerë
- 80-100 gr kashkavall (i grirë), ose 1 lugë gjelle për 1 servim
- 80-100 gr salcë kosi, ose 1 lugë gjelle për 1 servim
- 1 avokado të prerë n’kubëza, ose 1/6 avkokado për 1 servim
- 1/2 tufë magdanozi i imtësuar, ose 1 maje gishtash për 1 servim
- 1 limetë e prerë n’6 rriska, ose 1 rriskë për 1 servim
- 1 paketim tortilla çips, ose 1 grusht për 1 servim
Ecuria për përgatitje:
Hapi 1:
Në një tenxhere të thellë shto vajin e ullirit bashkë me mishin e bluar dhe kavërdise masën për 3-4 minuta. Shto pastaj qepën e grirë dhe kavërdise mishin me qepë deri sa të shterron i gjithë lëngu i mishit.
Pastaj vazhdo sipër mishit shto misrin dhe pasulin e konservum (bashkë me ujin që e kanë n’konservë), shto erëzat, domatet e konservume dhe specat hallapenjo. Përzije masën mirë. Mos harro masës me ja shtu edhe gotat me ujë.
Leje masën me u zi për 40 minuta dhe kohë pas kohe përzije atë.
Largo tenxheren prej shporetit dhe servo në pjatë të thellë bashkë me pak nga të gjithë përbërësit shtesë; salcën e kosit, kashkavallin, magdanozin, tortilla çipsat dhe kubëzat e avokados.
Dhe ja rezultati.
