Situata ka filluar të tensionohet në komunën e Leposaviqit.
Një grup personash kanë thyer veturat e mediave të Shqipërisë, të A2CNN, News 24 dhe Televizioni Panorama.
Siç raporton gazetarja e RTV Dukagjini, Vlora Selimi gazetarët e këtyre mediave kanë treguar se kanë parë nga afër tërë ngjarjen por nuk ka të lënduar.
Sipas gazetarve të Shqipërisë ishin pesë veta të cilët kanë sulmuar veturat e tyre.
Objektin e komunës aktualisht po e monitoron KFOR-i, derisa njësitet e policisë së Kosovës po qëndrojnë më larg.
Më herët, protestuesit serbë kanë kërkuar nga mediat kosovare të largohen nga rrethojat e objektit të Komunës së Leposaviqit teksa kanë hedhur vezë në drejtim të tyre.
Ata kanë vendosur pengesa në rrugë për të treguar deri ku mund të vazhdojnë mediat raportimin e tyre.
Tensionet në veri u rritën qysh më 26 maj, kur Policia e Kosovës asistoi kryetarët e sapozgjedhur shqiptarë për të hyrë në komunat në Zveçan, Zubin Potok dhe Leposaviq të dalë nga zgjedhjet e jashtëzakonshme të prillit.