Ekipi i RTV21, gazetarja Lirie Dibrani dhe kameramani, Berat Bahtiri, është sulmuar nga protestuesit serbë derisa po raportonte nga pjesa veriore e Mitrovicës, konkretisht në sheshin Car Llazar.
Protestuesit serbë teksa e kanë sulmuar fizikisht kameramanin Berat Bahtirin, u është marrë edhe pajisja me të cilën ishin duke xhiruar.
Sulmet në veri të vendit janë bërë të shpeshta ditëve të fundit.
Po ashtu edhe vetura e mediumit, Periskopi është gjuajtur me plumba gjatë natës në Zveçan.
“Veturat e disa prej ekipeve mediale nga Prishtina, mbrëmë kanë mbetur të bllokuara në Zveçan, pas largimit të gazetarëve dhe kameramanëve, disa orë pas përleshjeve mes KFOR-it dhe serbëve lokalë”, ka bërë të ditur Asociacioni i Gazetarëve të Kosovës (AGK).
AGK-ja ka dënuar këto sulme teksa ka bërë thirrje që të bëhet mbrojtja e gazetarëve në atë pjesë nga Policia e Kosovës.
AGK-ja dënon sulmet ndaj gazetarëve me gjësende të forta në Leposaviq