SHBA ndihmon Ukrainën me pako të ndihmës ushtarake mbi dy miliardë dollarëshe

Shtetet e Bashkuara të Amerikës (SHBA) kanë njoftuar për një pako të ndihmës ushtarake prej 2.1 miliardë dollarë për Ukrainën

Pajisjet ushtarake dhe municionet nga SHBA-ja për ushtrinë ukrainase arrijnë në aeroportin ndërkombëtar Borispil, pranë Kievit. Foto: RFE/RL

Shtetet e Bashkuara të Amerikës (SHBA), të premten, më 9 qershor, njoftuan për një pako të ndihmës ushtarake prej 2.1 miliardë dollarë për Ukrainën, pikërisht në kohën kur dukej se Kievi po fillonte kundërofensivën e shumëpritur, me synimin për ta dëbuar Rusinë nga vendi, shkruan AFP.

Pakoja përfshin raketa për sistemet e mbrojtjes ajrore Patriot, predha artilerie, dronë dhe sisteme raketash të drejtuara me laser.

Armatimi i ri ilustron “angazhimin e vazhdueshëm ndaj aftësive kyçe afatshkurtra të Ukrainës, si dhe aftësive të përhershme të forcave të armatosura ukrainase për të mbrojtur territorin e tyre dhe për të penguar agresionin rus në afat të gjatë”, thekson Pentagoni në një deklaratë.

Shtetet e Bashkuara të Amerikës, që nga fillimi i vitit 2021, i kanë siguruar Ukrainës furnizime ushtarake deri në 40,4 miliardë dollarë, ndërkaq pjesa më e madhe e këtyre furnizimeve i është dhënë që kur Rusia pushtoi vendin më 24 shkurt të vitit 2022.

Ndihma erdhi në pikën vendimtare të luftës. Ukraina ka grumbulluar armë dhe forca stërvitore në përgatitje për një fushatë të mundshme tokësore, në përpjekje për të detyruar trupat ruse të tërhiqen nga zona të mëdha të Ukrainës juglindore dhe jugore, të cilat janë marrë.

Presidenti rus Vladimir Putin tha të premten se ofensiva kishte filluar, mes raporteve se trupat ukrainase kishin nisur sulmet në tre pika kyçe përgjatë vijës së gjatë të frontit. /REL

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika