Ministri i Financave, Hekuran Murati, është ftuar të mërkurën e 21 qershorit për të diskutuar në Komisionin për Buxhet, Punë dhe Transfere.
Në njoftimin e Kuvendit thuhet se ata do të diskutojnë për aktgjykimin e Gjykatës Kushtetuese të Republikës së Kosovës në rastin nr.KO190/19.
Kjo mbledhje do të fillojë nga ora 10:00.
Rendi i ditës:
- Miratimi i rendit të ditës,
- Miratimi i procesverbaleve të mbledhjeve të mbajtuar të Komisionit me datë 10 dhe 17 maj 2023,
- Votimi i Raportit plotësues me amendamente i Komisionit Funksional për Projektligjin nr.08/L-201 për ndryshimin dhe plotësimin e Ligjit nr.05/L-081 për Energjinë,
- Shqyrtimi i raporteve të Komisioneve kryesore për Projektligjin nr.08/L-nr.08/L-142 për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore,
- Shqyrtimi i kërkesave buxhetore të Kuvendit të Republikës së Kosovës për periudhën 2024, në bazë të Qarkores së parë buxhetore të Ministrisë së Financave 2024/01,
- Shqyrtimi i Raportit të shpenzimeve të Kuvendit për 3 mujorin e parë të vitit 2023,
- Vazhdim-Shqyrtimi në parim i Projektligjit nr.08/L-189 për Lotarinë e Republikës së Kosovës,
- Diskutim rreth Aktgjykimit të Gjykatës Kushtetuese të Republikës së Kosovës në rastin nr.KO190/19 ( i ftuar: Ministri i Financave, Punës dhe Transfereve z. Hekuran Murati),
- Shqyrtimi i propozimeve të Komisionit për përzgjedhjen e anëtarëve të Bordit Drejtues të Fondit të Kursimeve Pensionale.