Juristja e mediave, Flutrua Kusari, ka komentuar vendimin e ri të Agjencisë për Regjistrimin e Bizneseve të Kosovës(ARBK) e cila e ka anuluar vendimin për mbylljen e biznesit Klan Kosova.
Kusari ka thënë se Qeveria e Kosovës dhe Lëvizja Vetëvendosje janë duke e vazhduar luftën speciale ndaj Klan Kosovës.
“Qeveria e Kosovës dhe Lëvizja Vetëvendosje vazhdojnë luftën speciale në përpjekje të dështuar dhe të turpshme për mbylljen e televizionit nacional Klan Kosova. Sot ARBK-ja paska anulu vendimin për anulimin e vendimit për pezullimin e certifikatës së biznesit Klan Kosova”, ka shkruar Kusari në Facebook.
Sipas saj, ky venim i ARBK-së është politik.
“Vendimi është politik, duket si dokument i hetuesisë, ka bazë të gabuar ligjore, nuk ka arsyetim ligjor por vetëm politik dhe si i tillë duhet të kundërshtohet fuqishëm”, ka shtuar ajo.