Kryeministri i Kosovës, Albin Kurti, ka njoftuar se më 18 prill 2022, zhvillohet intervistimi i kandidatëve për Kryeprokuror të Shtetit.
Në njoftim, Albin Kurti ka thënë se, Kosova ka nevojë për kryeprokuror që ka integritet moral dhe profesional, që është energjik, puntor dhe i guximshëm. Po ashtu, ai ka shtuar se, krimi i organizuar, korrupsioni i lartë dhe çdo lloj kriminaliteti duhen luftuar kudo dhe tërë kohën.
Që nga viti 2015, Kryeprokuror i Shtetit të Kosovës ishte Aleksander Lumezi, të cilit i skadon mandati në prill të vitit 2022. Kryeprokurori i Shtetit zgjidhet çdo shtatë vjet dhe nuk ka te drejtë riemërimi.