“Stabiliteti regjional është proces i rëndësishëm dhe sot i kemi shprehur brengat tona dhe ngritjen e tensioneve në mes Kosovës dhe Serbisë, dhe Holanda dhe Luksemburgu tentojnë drejt dialogut dhe ta deeskalojnë situatën dhe të normalizohen raportet në mes dy shteteve”.
Kështu është shprehur kryeministri i Holandës, Mark Rutte, në një konferencë për media me homologun e tij nga Luksemburgu dhe kryeministrin Albin Kurti.
“Kjo është e rëndësishme jo vetëm për paqen dhe stabilitetin në rajon, por është edhe për prosperitetin drejt integrimit në BE”, tha ai.
“Tentojmë që të forcojmë e zgjerojmë angazhimin në nivel bilateral dhe evropian. Konsideroj që agresioni i Rusisë kundër Ukrainës e ka bërë këtë edhe më të rëndësishme. Stabiliteti regjional është proces i rëndësishëm dhe sot i kemi shprehur brengat tona dhe ngritjen e tensioneve në mes Kosovës dhe Serbisë, dhe Holanda dhe Luksemburgu tentojnë drejt dialogut dhe ta deeskalojnë situatën dhe ta normalizohen raportet në mes dy shteteve. Reformat e fundit në sistemin juridik të Kosovës kanë përkrahjen tonë”, shtoi më tej Rutte.
Ai ka theksuar se sheh mundësi për bashkëpunim më të madh me Kosovën.
“Holanda është investitori i tretë më i madh në Kosovë, po punojmë shumë, mund të bëhet edhe më shumë. I përkrahim përpjekjet e Kosovës për punën që e ka bërë për vizat për Kosovën dhe shpresojmë që një bashkëpunim rajonal do të kontribuojë në një stabilitet rajonal. Holanda është e gatshme t’i ndihmojë Kosovës dhe vendeve të tjera. Ky nuk është fundi, por fillimi i një bashkëpunimi”.