Pas takimeve që zhvilloi në Prishtinë me krerët shtetërorë, respektivisht kryeministrin e Kosovës, Albin Kurti dhe presidenten, Vjosa Osmani, Miroslav Lajçak sot pritet të takohet me presidentin serb, Aleksandar Vuçiq.
Ky takim vjen si rezultat i tensioneve mes të dyja palëve, ku tema kryesore e cila pritet të jetë në Beograd është gjendja aktuale në veri të Kosovës dhe hapat drejt deeskalimit të krizës.
“Takimi pritet të mbahet në ora 11:00”, thuhet në njoftimin e Presidencës së Serbisë.
Vlen të theksohet se kjo është vizita e parë e të dërguarit special në Prishtinë dhe Beograd, qëkur Komisioni Evropian vendosi masa ndëshkuese ndaj Kosovës për mosndërmarrjen e hapave për deeskalim në terren.