Shefi i ri i EULEX-it, Giovani Pietro Barbano e ka zhvilluar një “takim mirësjellje”, me presidenten e Kosovës, Vjosa Osmani, me të cilën kanë diskutuar për situatën aktuale në Kosovës, si dhe për mandatin e EULEX-it.
“Shefi i ri i Misionit #EULEX , Giovanni Pietro Barbano u takua me Presidenten e Kosovës ,VjosaOsmani. Ata shkëmbyen mendime për situatën aktuale në Kosovë dhe mandatin e Misionit”, thuhet në njoftimin e EULEX-it.
Në njoftim po ashtu thuhet se Barbano e ka shprehur mbështetjen për institucionet e sundimit të ligjit në Kosovë.
“Barbano shprehu përkushtimin e tij për të vazhduar mbështetjen e institucioneve të sundimit të ligjit në Kosovë drejt rritjes së pavarësisë, qëndrueshmërisë dhe pajtueshmërisë me standardet ndërkombëtare dhe praktikat më të mira, përmes komponentëve të ndryshëm të mandatit të EULEX-it”, vijon njoftimi.