Historiani dhe ish-ambasadori i Kosovës në Shqipëri, Syl Ukshini, në emisionin “Personale” ka folur për marrëdhëniet mes Kosovës dhe Serbisë.
Sipas tij, në esencë politika serbe nuk ka ndryshuar kanë ndryshuar vetëm protagonistët – ajo mbetet anti-shqiptare.
“…Kanë ndërruar vetëm protagonistët e politikës serbe, ndërsa në esencë politika serbe mbetet shumë armiqësore ndaj shqiptarëve”, ka thënë Ukshini.
Ai ka cituar historianin amerikan, Daniel Goldhagen, i cili sipas Ukshinit, ka thënë se “gjenocidi fillon nga fjala”, kështu duke theksuar se raportet Kosovë-Serbi nuk mund të normalizohen kur Beogradi përdor një gjuhë raciste ndaj shqiptarëve.
“Është një historian shumë i njohur amerikan, Daniel Goldhagen, studiuese më brilant i holokausti, i cili ka dhënë intervista edhe për luftën në Kosovë. Ai ka thënë që ‘gjenocidii fillon nga fjala’, dhe unë shpesh them kur flasim për ditët e sotme them që është pak problem me u normalizu raportet Kosovë-Serbi, sepse gjuha është shumë armiqësore ndaj shqiptarëve. Dhe, derisa i quajnë edhe me terma racist është pak e pa-përftyrushme ky normalizim”, ka shtuar Ukshini.