Përmes një statusi në rrjetin social Facebook, ka reaguar AGK-ja në lidhje me etiketimet që Drejtori i Financave në Telekomin e Kosovës, Feim Kelmendi, ka përdorur gjuhë denigruese ndaj gazetarëve të një portali lidhur me një shkrim të publikuar në atë medie.
Asociacioni i Gazetarëve të Kosovës – AGK, është njoftuar nga redaksia e “Front Online” për gjuhën denigruese dhe etiketimet që Drejtori i Financave në Telekomin e Kosovës, Feim Kelmendi, ka përdorur ndaj gazetarëve të këtij portali lidhur me një shkrim në publikuar në këtë medie.
Drejtori Financiar i kësaj ndërmarrjeje publike ka fyer rëndë gazetarët duke përdorur edhe etiketime të papranueshme si, “Moti ju kam thane qe: S’ka bir nene e as bire k**ve qe gjene skandale ne Telekom”.
Për më tepër, Kelmendi ka vazhduar fyerjet edhe në profilin personal të Kryeredaktorit të Front Online, Lavdim Hamidi.
Kjo nuk është hera e parë që Drejtori Financiar i Telekomit të Kosovës, Feim Kelmendi, fyen, kërcënon dhe etiketon gazetarët e medieve në Kosovë.
AGK-ja, i bën thirrje Bordit dhe Drejtores së këtij institucioni që të distancohen nga gjuha ofenduese e Kelmendit dhe etiketimet e përpjekjet për të ndërhyrë në punën e gazetarëve.
Ndryshe, më poshtë mund të gjeni edhe reagimin zyrtar të AGK-së.