Të premten e 13 majit, Ministria e Mbrojtjes së Australisë ka zbuluar praninë e anijes së inteligjences detare kineze në brigjet veriperëndimore të vendit.
Anija e cila quhet Haiwangxing ka udhëtuar në bregun perendimor të Australisë në afërsi të Exmouth, para se të ndryshonte drejtimin për të ndjekur lindjen përgjatë bregut veriperëndimor, këtë e ka bërë të ditur ministria në një deklaratë, raporton DW, përcjell Portali D.
Petter Dutton, Ministri australian ka bërë të ditur për gazetarët se ai këtë akt e konsideron si një akt agresioni sepse ajo anije ka ardhur aq larg në jug.
“Anija ishte në afërsi me instalimet ushtarake dhe të inteligjencës në bregun perëndimor të Australisë” ka thënë Dutton.
Sipas Ministrit kjo është mbledhje e inteligjencës përgjatë vijës bregdetare pra kjo është synim ndaj ana e kinezëve.
Ai shtoi se ata e zbuluan anijen diku javën e fundit kur ajo lundroi pranë stacionit të komunikimit detar Harold E Holt në Exmouth, i cili përdoret nga Australia, SHBA dhe nëndetëset aleate.
Por nga Kina nuk ka pasur ende asnjë reagim për këtë incident, por është bërë e ditur se tensionet mes dy vendeve janë rritur gjatë kohëve të fundit pasi Ishujt Solomon kanë nënshkruar një pakt sigurie me Kinën.