Pas takimit me presidenten e Kosovës, Vjosa Osmani, ushtruesi i detyrës i veteranëve të luftës së UÇK-së, Faton Klinaku, tha se asaj ia kanë dhënë me shkrim të gjitha ankesat dhe ligjet që sipas tij i ka shkelur Qeveria e Kosovës.
Klinaku tha se veteranët e vlerësojnë pozitivisht përgjigjen e shpejtë për t’u takuar me ta, për dallim sipas tij nga kryeministri Albin Kurti, i cili sipas Klinakut, që nga viti i kaluar nuk ka pranuar të takohet.
Klinaku tha se nga presidentja kanë kërkuar ta luajë rolin e saj unifikues, sepse sipas tij Kurtit, po e bën të kundërtën.
“Paraqitëm shqetësimet tonë për shkelje të ndryshme të qeverisë, I thamë se adresa e fundit ka mbet Presidentja… I treguam se me ligje të mëhershme, fare si organizata të dala nga lufta nuk janë konsultuar për ndryshime ligjore, as nuk na kanë ftuar asnjëherë në dëgjime publike”, tha ai.
“Nuk kemi kontakte me Kurtin prej vitit të kaluar. S’kemi as me këshilltarin për kategoritë e dala nga lufta. Kjo qeveri as ky kuvend nuk ka pasur kontakte me neve. Ju kemi dërgu shkresa nuk nau kanë përgjigj. Na erdh mirë që u përgjigj Presidentja, shpejt. I shprehëm shqetësimet tona, për veteranët, e për invalidët. Presidentja i mori me shkrim ato që ua dhamë për ligjet që duhet të bazohet, I thamë ta luaj rolin e unitetit. Kjo qeveri është e interesuar të krijoj përqarje”, vijoi ai.