Ministria e Punëve të Jashtme dhe Diasporës ia ka ndaluar hyrjen në Kosovë, të ashtuquajturit drejtor i Zyrës për Kosovë në Qeverinë e Serbisë, Petar Petkoviq.
Ndonëse hyrja iu ndalua, arsye e ndalesës nuk është bërë e ditur nga MPJD-ja.
“Ju konfirmojmë se Ministria e Punëve të Jashtme dhe Diasporës nuk e ka aprovuar këtë herë kërkesën e zyrtarit serb Petar Petkoviq për hyrje në Republikën e Kosovës”, thuhet në përgjigjen e MPJD-së për Portalin Dukagjini.
Megjithatë, kjo nuk është hera e parë që Petkoviq ndalohet nga institucionet e Kosovës.
Ai edhe në vitin 2022 ishte ndaluar dy herë.
Për këtë e kishte njoftuar të dërguarin special të BE-së për dialog, Miroslav Lajçak, përfaqësuesit e BE-së, të SHBA-së dhe të QUINT-it.