Sekretari i Shtetit të Britanisë së Madhe, James Cleverly, ka paralajmëruar rreth sulmeve të reja në Detin e Zi dhe përshkallëzimin e fushatës agresore të saj ndaj anijeve të cilat bartin drithëra.
Mbretëria e Bashkuar pret që Rusia të forcojë më tej goditjen e saj ndaj eksporteve të grurit nga Ukraina. Moska mund të përshkallëzojë fushatën e saj për të shkatërruar eksportet e ushqimit të Ukrainës duke synuar anijet civile, ka shkruar sekretari i Shtetit James Cleverly në Twitter.
“Ne do ta ngremë këtë sjellje të paskrupullt në Këshillin e Sigurimit të OKB-së”, ka theksuar ai.
Tutje, ai ka shkruar se “Rusia duhet të ndalojë marrjen peng të furnizimeve globale ushqimore dhe t’i kthehet marrëveshjes së drithit”.
The UK believes that Russia may escalate its campaign to destroy Ukraine’s food exports by targeting civilian ships in the Black Sea.
We will highlight this unconscionable behaviour at the UNSC. Russia should stop holding global food supplies hostage and return to the deal.
— James Cleverly🇬🇧 (@JamesCleverly) July 25, 2023
Agjencia e lajmeve, Reuters citoi gjithashtu ambasadoren britanike në OKB, Barbara Woodward, të ketë thënë se Rusia mund të ketë vendosur më shumë mina detare në hyrje të porteve ukrainase.
“Ne pajtohemi me vlerësimin e ShBA-së se kjo është një përpjekje e koordinuar për ta mbajtur Ukrainën përgjegjëse për sulmet ndaj anijeve civile në Detin e Zi”.
Kryeministri britanik, Rishi Sunak, ia raportoi këto informacione presidentit ukrainas, Volodymyr Zelensky, përmes një thirrjeje telefonike të martën.