Pritja për të hyrë në Kosovë nga pika kufitare e Dheut të Bardhë dhe në Merdarë po arrin 50 minuta e deri në një orë.
Ndërkaq, për të dalë nga territori i Kosovës nga pika kufitare e Dheut të Bardhë, pritja është po njësoj. Te Merdarja, pritja arrin deri në 25 minuta.
Siç njofton Qendra Kombëtare për Menaxhim Kufitar, pritja në pikat kufitare ka rënë e njësoj edhe kolonat.
Në dy pikat kufitare të lartcekura, kolona arrin deri në 500 metra.
Kolonat nuk janë evidente në pikat e tjera kufitare, gjersa pritja në to arrin deri në 5 minuta.
Kohëve të fundit, pika kufitare e Dheut të Bardhë ishte ajo pritjet e së cilës zgjasnin më shumë, shpeshherë deri në 6 orë. E dyta në radhë ishte pika e Merdares. Ndërkaq, kolonat arrinin në 1000 metra.