Tre persona të pajetë në Rufc të Lipjanit ishin raportuar në Policinë e Kosovës, pasditen e së premtes.
Për Dukagjinin, këtë lajm e kishte konfirmuar zëdhënësja e policisë për rajonin e Prishtinës, Flora Ahmeti. Kjo e fundit kishte deklaruar se hetimet lidhur me rastin tashmë kishin filluar.
“Rreth orës 16:30 policia ka pranuar informatën për tre persona të pajetë në fshatin Rufc të Lipjanit. Menjëherë pas marrjes së informatës policia ka dalë në vendin e ngjarjes ku janë hasur tre trupa të pajetë. Vdekja e të cilëve është konstatuar nga ana e ekipit mjekësor. Aktualisht policia ka nisur një hetim për rastin dhe rrethanat që karakterizojnë ngjarjen”, ka thënë Ahmeti.
Siç mëson Dukagjini, vrasja e trefishtë ka ndodhur brenda një familjeje, ku i dyshuari pas vrasjes së dy familjarëve, ka kryer vetëvrasje.
Lidhur me rastin ka reaguar kryeministri i Republikës së Kosovës, Albin Kurti.
Ai ka shprehur ngushëllimet e tij gjersa tha se tronditje si kjo lënë boshllëk të madh.