Afrim Syla nga kompania “Elen”, në “Debat Plus” ka thënë se vendi ynë mund të eksportojë energji në të gjithë Evropën.
“Investimet që vinë të huajat me kapacitete të mëdha nuk e kanë synim tregun e Kosovës. Përmes linjës 400 kw, me Shqipërinë ne mundemi me eksportu në krejt Evropën energji elektrike”, tha ai.
Syla tha se shteti i Kosovës përfiton nëse investohen miliona euro në projekte solare. Sipas tij, investimet në energjinë solare e rrisin edhe sigurinë nacionale të Kosovë.
“Shteti përfiton prej asaj sepse nëse investon 50 milionë euro në një projekt solar 100 megawat, dhjetëra milionë mbesin këtu me fuqi punëtore, me shpenzimet e ushqimit, naftës, makinerive. Në momentin që vjen një investim i tillë e forcon shtetin. Kur vinë 200 milionë euro investime nga një shtet gjerman apo francez, rritet edhe siguria jonë nacionale”, tha ai.