Ambasadori ukrainas në Tiranë, Volodymyr Shkurov, ka thënë se koha për të marrë një vendim për njohjen e Kosovës nuk është tani, por, pasi të ketë përfudnuar lufta në Ukrainë.
Duke komentuar takimet që pati presidenti ukrainas, Volodymyr Zelensky, në Greqi, përfshirë atë më kryeministritn e Kosovës, Albin Kurtin, ambasadori ukrainas ka thënë se Zelensky mendon për Kosovën, e kupton asistencën që i ka dhënë dhe që ka strehuar disa gazetarë ukrainas.
“…Siç e dini, në Athinë u mbajt një takim informal për perspektivën evropiane të këtyre vendeve të Ballkanit sepse 20 vjet më parë në Selanik u mbajt takimi i parë dhe në këtë takim u vendos që vendet e Ballkanit Perendimor do të bëheshin anëtarë të BE. Prania e presidentit Zelenski ishte jo zyrtare ashtu si e presidentes së Moldavisë, nië pjesëmarrje simbolike për të dhënë përshtypjen se vendet e Ballkanit Perendimor do të jenë anëtarë të BE, edhe Moldavia dhe Ukraina në të ardhmen. Presidenti Zelenski mendon për Kosoven, ai e kupton që Kosova na ka dhënë asistencë, asistencë humanitare, ka strehuar disa gazetarë, por e dini tani Ukraina është në një situatë të vështire, mendoj se koha për vendime politike nuk është sot por një ditë tjetër pasi lufta të ketë ndaluar. E dini, për fat të keq, pala shqiptare nuk mori pjesë në këtë samit, por ne dimë se Shqipëria pothuaj është gati të jetë anëtare e BE”, ka thëën Shkurov për “ABC News”.