Këngëtari Mentor Haziri ka folur pas performancës së këngëtares kosovare me famë botërore, Rita Ora, e cila gjatë koncertit u pa me flamurin e Serbisë teksa këndonte e vallëzonte.
Ai, në një lidhje direkte në emisionin “Rreth e Rrotull”, në RTV Dukagjini, tha se Rita Ora ka menduar se flamuri është i Hungarisë.
“Imagjino çfarë drita ka në festivale të mëdha botërore. Asaj i është hedh një flamur, ajo ka menduar që flamuri është i Hungarisë, edhe e ka marrë e ka qitë në shpinë. Në momentin që e ka vërejtur flamurin, ka reaguar edhe me një veprim shumë diplomatik dhe të mençur e ka larguar”, është shprehur Haziri.
Ditë më parë këngëtarja me origjinë kosovare, Rita Ora, ishte duke performuar në një festival ndërkombëtar dhe në një moment iu hodh një flamur i Serbisë, dhe ajo performoi disa minuta me të në krah. Më pas, ajo ka reaguar duke thënë se flamuri iu hodh nga një fans dhe se nga drita nuk e ka vërejtur se çfarë flamuri është.