Emisioni “Super Trend” çdo të mërkurë në studion e Radio Dukagjinit sjell artista shumë të talentuar, të cilët edhe përformojnë live.
Sonte në “Super Trend” me Drilona Shalën i ftuar ishte artisti Elvis Mulaj, i cili pos përformancave solo, është edhe pjesë e grupit “Bulza me djemtë“.
Ai thotë se me kitarë ka filluar të bëjë muzikë vetëm për dëshirën e tij, dhe nuk e ka pasur ndonjë qëllim që t’i futet muzikës apo ta bëjë këtë profesion. Megjithatë deklaron se kur e ka dëgjuar Bulza Havollin duke kënduar, i ka pëlqyer aq shumë saqë ka vlerësuar se është një artiste që ia vlen të bëhet muzikë me të.
Mulaj ka deklaruar se është fans i muzikës shqip, duke shtuar se i pëlqen muzika popullore, ajo e lehtë e roku. E disa këngë të bukura shqipe, ai i përformoi live, duke krijuar një atmosferë të bukur në studion e Radio Dukagjinit.