Sot (e premte) ka përfunduar afati i dytë 14 ditor, të cilin Inspektorati Komunal i Mitrovicës Veriore i ka dhënë strukturave paralele që ta lirojnë objektin që shfrytëzojnë ilegalisht.
Siç raporton RTV Dukagjini, punëtorët e këtij objekti mësohet që kanë kaluar natën këtu për të mos liruar objektin.
Lidhur me këtë, Dukagjini ka kontaktuar shefin e kabinetit të Kryetarit Erden Atiq. Ai ka deklaruar se vendimi nuk ka ndryshuar.
“Sot është data e fundit por akoma s’ka përfunduar orari i punës. Nëse ata kanë fjetur aty, atëherë pyetni ata. Vendimi nuk ka ndonjë ndryshim, nëse ka ndryshime do të informoheni”, ka deklaruar Syla.
Ndërkaq, Policisë së Kosovës nuk i është kërkuar ende që të asistojë në lirimin e objektit që po shfrytëzohet ilegalisht në veri.
Lajmin për Dukagjinin e ka konfirmuar zëvëndësdrejtori i Policisë së Kosovës për rajonin e veriut , Veton Elshani.
“Ende jo (nuk iu është kërkuar). Por do të asistojmë sa herë që kërkohet nga ne”, ka deklaruar Elshani.
Komunës nuk i është ofruar dokumentacion mbi bazën e të cilit është shfrytëzuar ky objekt.
Objekti në foto, në të cilin, valon flamuri i Serbisë shumë pak metra pranë komunës së Mitrovicës Veriore, shfrytëzohet nga strukturat paralele serbe.
25 gushti ishte afati i fundit për të liruar këtë objekt, por i njëjti u shtye për dy javë të tjera.
Shtyhet afati për lirimin e objektit që shfrytëzohet ilegalisht në veri