Presidentja e Kosovës, Vjosa Osmani, në Samitin e Bërdo Brionit është takuar me presidentin e Maqedonisë së Veriut, Stevo Pendarovski.
Në këtë takim, e para e vendit ka njoftuar se kanë diskutuar për thellimin e bashkëpunimit, që siç u shpreh ajo, synon promovimin e paqes dhe stabilitetit në rajon.
“Së bashku diskutuam rëndësinë e bashkëpunimit në rritje që synon promovimin e paqes dhe stabilitetit në rajon dhe të ardhmen tonë euroatlantike”, ka shkruar Osmani në rrjetin social “X”.
During the Brdo-Brijuni Process leaders’ meeting in Skopje, I met President @SPendarovski.
Together we discussed the importance of growing cooperation aimed at promoting peace and stability in the region and our Euro-Atlantic future.
pic.twitter.com/uoupD3MRze
— Vjosa Osmani (@VjosaOsmaniPRKS) September 11, 2023
Më herët, përmes një postimi, Osmani ka thënë se Kosova po vazhdon të luajë një rol për të kontribuuar në të ardhmen e Ballkanit.
Osmani ka potencuar se është mirënjohëse për pritjen e ngrohtë që i është bërë në Shkup.
“Kosova vazhdon të luajë një rol aktiv për të kontribuuar në të ardhmen e rajonit tonë dhe është e përkushtuar në rrugën tonë euroatlantike”, ka theksuar Osmani.