Për mos kalimin në Kuvend të Projekt-Kodit Civil, Kryeparlamentari Glauk Konjufca ka thënë se në votimin e tij, shumica ishin abstenim dhe jo kundër.
“Ata kundër e kanë për shkak se i kanë mendimet e tyre. Unë nuk pajtohem me ato mendime. Shumë më jo fer më duket qëndrimi i opozitës se i atyre kundër”, ka thënë Konjufca në intervistën e dhënë për Kallxo.com.
Konjufca ka thënë se “nuk mund të jetë një parti politike prej A-së deri në Zh-ë, krejt deputetë me ngritë dorën për një Kod Civil”.
Sipas tij, kjo nuk ka ndodhur në shtetin me zhvillimin më të lartë në botë.
“Aty gjithmonë e ke një grupacion më konservativ, të cilët thonë jo unë jam kundër këtyre ideve”, ka shtuar ai.