Në kryeqytetin e Zvicrës, në Bern, kryeministri i Kosovës, Albin Kurti, është pritur në takim nga presidenti i Zvicrës, Alain Breset.
E për këtë komunikim kanë njoftuar edhe nga Presidenca e Zvicrës, edhe nga Zyra e Kryeministrit.
Nga presidenca zvicerane njoftuan se temat e takimit ishin rreth situatës në veri të Kosovës dhe procesit të udhëhequr nga Bashkimi Evropian (BE) për normalizimin e marrëdhënieve ndërmjet Kosovës dhe Serbisë.
Por, nga zyra e kryeministrit kanë njoftuar se marrëdhëniet ndërshtetërore, afërsia në mes të popujve, bashkëpunimi bilateral, shkëmbimet tregtare dhe zhvillimet e fundit ishin temat qëndore të këtij takimi.
E kjo ka nxitur reagimin e kryeredaktorit të “AlbanianPost”, Lirim Mehmetaj, i cili përmes një shkrimi në Facebook ka thënë se “a për transparencën e Qeverise ne kishim mendu se e kemi fitu Kampionatin Botëror ne futboll si Koreja Veriore”.
Më tej, ai ka theksuar se nuk e di se cila është logjika “prapa këtyre rrenave”.
“Presidenca e Zvicrës lëshoi komunikate duke tregu se ne takim i është kerku Kurtit qasje konstruktive ne dialog dhe themelim te Asociacionit, apo instrumentin e vete-menaxhimit për serbet e Kosovës.
Qeveria e Kosovës nxori komunikate për te njëjtin takim dhe thane se aty është biseduar për zhvillimin ekonomik të Kosovës.
Paramendojeni po mos te jetonim ne këtë kohe te informacionit qe sigurohet shpejt. Sa për transparencën e Qeverise ne kishim mendu se e kemi fitu Kampionatin Botëror ne futboll si Koreja Veriore. Nuk e di cila është logjika prapa këtyre rrenave te kota, te panevojshme e dashakeqe.
Ju vazhdoni, ama keq e keni”, ka shkruar Mehmetaj.