Ministrja e Jashtme e Holandës, Hanke Bruins Slot, ka thënë se është shumë e shqetësuar me zhvillimet e fundit në veri të Kosovës.
Ajo ka thënë se BE-ja dhe shtetet anëtare vazhdimisht u bëjnë thirrje të dyja palëve për deeskalim të situatës.
“Shumë e shqetësuar me zhvillimet në veri të Kosovës. BE-ja dhe shtetet anëtare vazhdimisht u bëjnë thirrje të gjithë akterëve të punojnë për depërshkallëzim të situatës”, ka shkruar Bruins Slot në platformën “X”.
Ndryshe, kujtojmë se sot në orët e hershme të mëngjesit, një grup i organizuar dhe i armatosur ka hapur zjarr ndaj pjesëtarëve të Policisë së Kosovës, ku si pasojë një polic ka humbur jetën dhe dy të tjerë kanë mbetur të lënduar.
Extremely worried about developments in the north of Kosovo. The EU and its Member States repeatedly urge all actors to work to de-escalate the situation. https://t.co/zdpngnbvRn
— Hanke Bruins Slot (@HankeBruinsSlot) September 24, 2023