Katër persona kanë marrë trajtim mjekësor, dy prej tyre zyrtarë policorë, për shkak të tymit pasi një objekt banesor në Fushë-Kosovë sot në mesditë u përfshi nga zjarri.
Policia, zjarrfikësit dhe autoambulanca ndodhen në vendin e ngjarjes.
Lajmin për Portalin Dukagjini e ka bërë të ditur zëdhënsja e Policisë së Kosovës në rajonin e Prishtinës, Flora Ahmeti, e cila ka thënë se 4 persona janë dërguar për tretman mjekësor si pasojë e problemeve me frymëmarrje nga tymi.
“Nuk raportohet për persona të lënduar, mirëpo si pasojë e problemeve me frymëmarrje (nga tymi) tretman mjekësor kanë pranuar 4 persona (dy nga ta zyrtarë policor). Zjarri është lokalizuar dhe policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, vijon ajo.
Zjarri është lokalizuar dhe policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.