Dhjetë persona dyshohet se kanë vdekur e mbi 20 të tjerë janë bllokuar në një kishë në Meksikë pasi këtij objekti iu shemb çatia, ka raportuar BBC-ja të hënën.
Mediat lokale kanë raportuar se 49 persona janë dërguar në spital, e në vendin e ngjarjes kanë dalë ekipet policore, që thanë se të paktën 100 persona gjendeshin në meshë në momentin kur çatia ra.
Një numër fëmijësh besohet të jetë në mesin e të bllokuarve, ndërsa tentativat për shpëtim po vazhdojnë.
Imazhet në rrjetet sociale shfaqin ndërtesën e kishës në rrënoja, ndërsa njerëzit u tubuan rreth tyre duke kërkuar për të bllokuarit.
“Kisha ishte e mbushur me rreth njëqind njerëzit dhe ishin rreshtuar për të marrë kungimin dhe atëherë çatia ra sipër tyre. Tulla, beton dhe struktura mbështetëse të çelikut iu ranë në kokë njerëzve”, ka deklaruar gazetari meksikan Franc Contreras, që raportoi nga vendi i ngjarjes.