Begaj: Samiti i Berlinit në Tiranë, ngjarje historike për rrugëtimin evropian të rajonit

Në Samitin e Procesit të Berlinit në Tiranë, udhëheqësit rajonalë pritet të diskutojnë investimet e reja dhe zhvillimet e fundit në rajon

Presidenti i Shqipërisë, Bajram Begaj, ka shprehur kënaqësinë e tij për mbajtjen e Samitit të Procesit të Berlinit, duke e vlerësuar si një hap të rëndësishëm në rrugëtimin e Shqipërisë dhe rajonit drejt anëtarësimit në Bashkimin Evropian.

“Mbajtja në Tiranë sot e Samitit të Procesit të Berlinit është një ngjarje e madhe historike për rrugëtimin evropian të Shqipërisë dhe rajonit. I uroj mirëseardhjen dhe punime të mbara delegacioneve pjesëmarrëse”, ka deklaruar ai në një postim në Facebook.

Tashmë, kryeministri i Kosovës, Albin Kurti, ka udhëtuar drejt Tiranës për të marrë pjesë në Samitin e Procesit të Berlinit.

Në këtë samit, pritet të diskutohen temat e ndryshme që kanë të bëjnë me zhvillimin e rajonit dhe procesin e integrimit evropian.

Kjo është hera e parë që një takim i procesit të Berlinit organizohet jashtë kufijve të BE-së.

Përveç zyrtarëve të bllokut evropianë dhe të Ballkanit Perëndimor, në samit marrin pjesë edhe kancelari gjerman, Olaf Scholz dhe presidenti i Francës, Emmanuel Macron.

Pritja e liderëve të BE nis në orën 11:00 dhe më pas hapja zyrtare e samitit do të bëhet me fjalën që do të mbajnë kryeministri i Shqipërisë, Edi Rama, presidentja e Komisionit Evropian, Ursula von der Leyen dhe presidenti i Këshillit Evropian, Charles Michel.

Një nga takimet kyçe të pritura gjatë këtij samiti është ajo e Kurtit me kancelarin Scholz.

Gjithashtu, në këtë samit pritet të prezantohet një pako e re e investimeve nga Bashkimi Evropian, e cila është e rëndësishme për zhvillimin ekonomik të rajonit.

Një temë tjetër që pritet të diskutohet është situata e fundit në veri të Kosovës, duke përfshirë sulmin që ndodhi më 24 shtator.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika