Gazetari sportiv nga Italia, Gianluca Di Marzio, ka thënë se Sulmuesi francez Kylian Mbappe do të nënshkruajë përsëri me ekipin nga Franca, Paris Saint Germain (PSG).
“Nuk ka më dyshime, Mbappe do të qëndrojë në PSG, do ta rinovojë kontratën e tij”, ka shkruar ai në twitter.
Tutje, Di Marzio ka thënë se vendimi për rinovim është marrë të premten, dhe se sipas tij, ka mundësi që të shtunën ta bëjë të ditur edhe për publikun.
No more doubts, #Mbappe will stay in #Psg e renew his contract with @PSG_inside ⌛️@KMbappe @SkySport @SkySports @SkySportsNews
— Gianluca Di Marzio (@DiMarzio) May 21, 2022
Vendimi i Mbappes-ë sipas Di Marzio-s, nuk ka të bëjë vetëm me arsye ekonomike, pasi rol të rëndësishëm kanë luajtur edhe familjarët e tij, të cilët ishin vendimtarë edhe për transferimin e tij në të kaluarën nga Monaco te PSG.
Futbollisti francez mund ta shpallë këtë sonte personalisht pas ndeshjes së Ligue 1 kundër Metz. Skuadra po organizon një festë për fitimin e kampionatit dhe për Mbappe-në.
La decisione è presa dopo la svolta di ieri, forse già oggi l'annuncio: @KMbappe rinnova col @PSG_inside e dice no al @realmadrid con cui aveva da tempo un impegno verbale @SkySport
— Gianluca Di Marzio (@DiMarzio) May 21, 2022
Por, ende nuk ka asgjë zyrtare, Mbappe ende nuk ka nënshkruar asnjë kontratë me asnjë ekip, dhe në garë është edhe ekipi spanjoll Real Madridi.